ناري علي ناري ومنك ناري قصيدة للشاعر.. فرج بالحمد

قصيدة للشاعر.. فرج بالحمد
.............................................
ناري علي ناري ومنك ناري ** وكامي سهاري ** في خاطري مامن حنين امواري

ناري خـــــايف ** منــها علـــي ناري اتذوب حسايف

ويذوب عمري ونا عليك امرايف **ويـــــــــذوب عمرك ماتريد لي طــاري

بــــايع غــلانا حسب ماني شايف ** ومن قبل لا بعت الغلا لا شـــــــــاري

البــاين اشواقــك كي الشـــــوق الزايـف ** الواضـح ارجوعــك كي سراب صحاري

رحـــــال كيف الليل ذابــــــل صــــــايف ** ويجــي الصبـح مانسمع نشيــد الطــاري

نــــارك و انــا وارياف كـــــي الولايـــف ** عشـــــاق في بعضنــــا عشقنــــــا متمــاري

*_*_*_*_*_*_*_*_*

[Only Registered Users Can See Links]

*_*_*_*_*_*_*_*_*

نــــــــــــــــاري منــــــــــك **ناري علي ناري وناري عنك

دعيت خاطري للصوب وافق ظنك **سعيــــــــت في غلاك بخطوتــــي ومشـــــواري

ما راودت عقلـــي وفكــري انك ** ايجي يوم تلقى عزم شوق اتواري

لاعـــاد سألـــت علي غايب كنـــــك ** لاعــاد علي نشدت وايش اخبــــــاري

جـــــــالن عليك افكــار سود خذنك ** باشواق للنسيـــــــان عقلك ســاري

خليــــــــك في هجرك وغيب حنك ** لي رب يلهمني الله اصطباري

*_*_*_*_*_*_*_*_*

نــــــــــــاري فيـــــــــــــــــها ** ذكـــــــرى غلا وايــــام كنت اتجيها

جـوال تنشد عالغــلا وعليهــا **واقـــــــــدار منــــــــك عاقبات اقـــــداري

واليوم ناسيــــــــها ومتناسيهـــا ** غيـــــــه بدت منـــك وباختيــــاري

غيــــه خذتنا في زهــــا لياليهـــا ** وشاكيتني باسرار كيف اسراري

انا خطوة زمــانك رايمــه امواتيهــا ** طريق الجفـــا مفروش لك بازهــاري

ان ودك رحيل ارحل ولي خليهــا ** غربـــة زمــــاني فالنهايـــة داري

*_*_*_*_*_*_*_*_*

نــــــــــــــاري جــــــــــــارت **نـــار جورت عالنار نين اذارت

نار دبرت عالنار نـــار احتــارت **فــــي ليــــــل موحـــــك هي دفــــاي وجـــــاري

نــــار ما شــــاكينا بنـــارهـــا وتوارت ** فاعماقنـــا مامن خفــا متــــــــواري

برح شوقـــها من شوقهـــا واختارت ** لقيــــت زمــان الشـــوق فيها ســـاري

مـــــاحت معــابد صبرهـــا وانهـــارت ** تهــــــاوت سحـــايب دمعهـــا بامطـــاري

جــــادت مواطن هدبهــــا استخــارت ** تزهـــر مواطـي النـاري وابقي نــــــاري

ناري علي ناري ومنك ناري ** وكامي سهاري ** في خاطري مامن حنين امواري
...

ويذوب عمري ونا عليك امرايف **ويـــــــــذوب عمرك ماتريد لي طــاري
البــاين اشواقــك كي الشـــــوق الزايـف ** الواضـح ارجوعــك كي سراب صحاري

من أجمل الكلمات الي اخترتهم يا متمكن هدا الموضوع .. رائع شكرا لك .

نــــارك و انــا وارياف كـــــي الولايـــف ** عشـــــاق في بعضنــــا عشقنــــــا متمــاري

مشكورة اماني علي مرورك وتقبلي تحيات المتمكن

» قصيدة للشاعر فرج بالحمد – بعنوان - (أم في رام الله)
» كلك روعه ... قصيده للشاعر الغنائي فرج بالحمد
» قصيدة للشاعر مراد البرعصي
» ماريت كيف جماله >> للشاعر اكرم الشلماني
» مكانك خالي...للشاعر نعيم الزوي