ماريت كيف جماله >> للشاعر اكرم الشلماني

ما ريت كيف جماله..اللي ف السماحة فات كل اجياله ....عزيز يا علم

ما ريت كيف مثيله ..مرادي اللي داير امعاي الحيلة

واللي خدها يضوي اتقول فتيلة...واللي شعرها كايد الجدالة

اتقول جيش من حبشة ناويين قتيلة..اصطفوا علي استعداد باستعدالة

ولا مزن متظلم ايريد نزيله..ايغرق الوطن اللي اوسع ميجاله

تعبا الوادي من انزول هطيله...وتما ايجرف ف الحطب باشكاله

ايشيل ف الصلولة واللفاعي اف سيله...وكل ما قابل خذاه وشاله

ان تسمع دليفه اتسيرلك تذليلة...امعاه الرعد والبرق في نشعاله

طراقيع يزابن افوان هطيله...تحلف قنابل من العدا زلزالة

سبع ايام وزيدهن ليلة...وهن تبذير ما بطلن بطالة

خطرها اللي ما تعرف رزيلة .....بنت اجواد ما تعرف فسالة

اللي وين ما تخطم الها تدليلة.....تسرق سرق مشيتا ابعجالة

في ياما دارت خلتني دقيلة....اللي ما تبصر عينها قتالة

عيون سود ترزي بلا تكحيله ....ظلام ليل غابنه قمر واهلاله

ونظافة الخد اتبان بتشعليلة...صواوير شكعن في زعيم وكالة

ونا يا مرادي ما لقيت بديلة...لاجل جمالك ما نظرت امثاله
***
ما ريت كيف جماله

وما ريت كيف مرادي ...أم المشّط ع الكتوف نضادي

وسريب النسا ناسيه جت مقصادي...شالت العقل وضيقتله جاله

ابقيت منسته مليوع كيف الشادي...اللي مندكم من ضربة الختّالة

اطوير يرتزق جا جلوة الصيادي ...بندق عليه وما يريد اوكاله

نلقنه جمالك يا مرادي هادي ....لا تعرفي تزويق لا مكحالة

الله صورك تصوير ماهو عادي ...جمالك ايعوز ما في اهناك امثاله

اعيونك اكبار امشرطات عوادي ...ومضحك ايلج متواسي بلا عدالة

اوسطك ايرج وين نلحظه من غادي...انقول (دلو) يطّوطح ابمسك احباله

وماريت كيف شبيهه ..م الشرق الى الغرب وايّه جيهه

ومازلت يا صاحبي نوصف فيها ..ويعجز الوصف وما نجيب كماله

واللي تشوفها بالعين لو تحكيها ..محال يسّاوى نظر واقواله

لنقها جمال من ربنا عاطيها ..دارلها اعيون امظلمة قتّالة

ناعسات وارماشك مظللات عليها...تحلف جناح اغراب في النحلالة

وحواجب اسماح قيسه اللي ساطيها...اينقّش علي كيفه بوسعة باله

وغثيثك اشواط اشواط تعبتيها ...جدّالته اللي اتكيت ومي تنبالة

وحلت افلمه نين خليتيها ...اطوبر امعاها جارتك ف الدالة

ونا يامرادي خلك حذاي خذيها ...هذي كلمتي ما نقولها ابرزالة

ما عندي ولا حاجة انقضي فيها ..الا ما نحقك نسبح الله تعالى

--------------------------------------------------------------------------------

مشكووووووووووووووووووووووووووووووووووووووووووووووو وووووووووووووووووووور
مشكووووووووووووووووووووووووووووووووووووووووووووووو وووووووووووور
مشكووووووووووووووووووووووووووووووووووووووووووووووو ووور
مشكووووووووووووووووووووووووووووووووووووووووووور
مشكوووووووووووووووووووووووووووووووووووووور
مشكوووووووووووووووووووووووووووووووور
مشكوووووووووووووووووووووووووور
مشكوووووووووووووووووووور
مشكوووووووووووووور
مشكووووووووور
مشكوووور
مشكوور
مشكور

__________________