الشوق ذابحني

تعال الشوق يذبحني تعال الشوق لـك ولهـان
تعال الدمعه مجروحه على خـد السهـر تعبـر

تعال وشوف بعيونك على وجهي صدى الحرمان
على وجه الهوى الباكي ملامح غربتـي تكبـر

ابيك تعانق احلامي وتمسـح دمعـة الحيـران
تضم الشوق بايدينك وتداوي جرحي لو تقـدر

ابحكيلك عن ايامـي ورداتـه حظـي الخـوان
اببكـي ليـن مايبقـى بعينـي دمعتـن تذكـر

ابيك تطمن القلب الي من دنيـاه جـد تعبـان
تسلي وحدتي والليل اذا تسمـح معـي تسهـر

ابفتح دفتر اشعاري واغنيلـك شعـر والحـان
بيوتن قلتهـا لجلـك عذوبـة حرفهـا تقطـر

احبك والغلا لجلك على كـف الهـوى سهـران
احبك كثر نجم الليل وكثر الشوق لـك واكثـر

كثر ما بالقلوب هموم كثر مابالشجـر اغصـان
كثر ما لهفة عيونـي علـى فرقـاك ماتصبـر

بزنزانة غلاك القلب سجيـن وحبـك السجـان
بداخل خافقي اسمـك حبيبـي بالغـلا مسطـر

فـلا والله ياخلـي يوصـل مركـزك انـسـان
غلاك اكبر من الدنيا وكل ساعـه تمـر يكبـر

مشكورة دلوعة علي الكلمات الرائعة وتسلم ايديك وتقبلي مروري

» هنا وفى قمة الشوق
» مسجات الشوق
» هز الشوق حنايا الخاطر
» نشكى من الشوق ومن هولة
» مراد البرعصى ....امهاياتك وامرار الشوق