أبرحل .. إي والله أبرحل

[color=green]سالفة هالإحساس .. عجيبة غريبة والأعجب والأغرب أن أغلبنا عاش هالقصة فإن لم يعشها فسيعيشها .. إن كانت من صديق أو قريب أو ، حبيب .. ولكن هي مجرد نظرية لا أكثر ولا أقل لربما لن تحدث بتاتاً وربما لم ولن تحدث فهي من وحي خيالي وأحكتها بقماش تأليفي

أسمر[ أبرحل .. إي والله أبرحل .. لا تعتذر وش يفيدني إعتذارك ؟
تحسبني لي الحين مصمم أحقق آمالك ؟
خلاص هذا قراري وقررت إني أرحل
لا ما أرحل عن دنيتك ما أرحل عنها لا تخاف
أنا بس كل اللي بسويه إني برحل عن حبك يعني ماعاد إني بحبيبك
تدري ليه ؟
لأنك جفيت وقسيت وبغيابك عني تسليت
وأنا اللي من كثر الشوق
قمت أبكي نهر من الوله
وأشكي وصلك ودربك بالحرمان
أنت ما عدت تحس مثل اول
وأكيد ما أصبحت لي الأول
خلاص أنا عن حبك أبرحل
ولكن عن دنيتك لا ما أرحل
أبي أشوفك شلون تحب ؟
ويا الله يا كريم إنك تطيح في حبيب يحبك مثل حبك
جفا وقسا وحرمان ونسيان
أبي أشوفك شلون تذوب من شموع الشوق والوله
أبي أحس بعذابك لا غاب عنك منهو تحبه
بصراحة أبي أشوف إنصهارك في إنكسارك
أبي أشوفك كيف بتتحمل اللي أنا تحملته
أبي أشوفك كيف تحس بطعم المر اللي أنا تذوقته
أبي أشوفك كيف تتعامل مع حبيبك لا طال غيابه ورد بعد طول غياب
ورد بعد طول غياب .. يجافيك .. يقسى عليك .. ويعاتبك على شوقك وينكر وجودك وحبك
أبي أحس بدموعك وأشيلها بكفوفي وأبتسم وأغسل فيها جفوني
جفوني اللي تعبت من شدة الحزن وويلاتك
أبي أشوف قلبك كيف يلتوي في أنينه ؟
أبي أشوف عقلك كيف يعتصرك تفكيره ؟
أبيك تحس لوعة الحرمان ..
أبيك تستطعم النسيان ..
أبيك تبلع جمر الصد ..
أبيك تعرف معنى الجفا ..
وكل اللي أبيه ما يتحقق بكلامي
كل اللي أبيه بيتحقق بدعائي
يا الله يا كريم
وعاني دعيت الرب إنه يشقيك
يشقيك بحب مثل حبك وأقوى من حبك
لأن حبك حرمان وحزن ونسيان وجفا وقسا وصد بصدود
وبإذن الله الحب اللي بيجيك .. بيجيك إكسار إكسار
..
روح الله يهنيك بحبك اللي علمتني فيه معنى القسا والجفا والحرمان
رووووووووح خلاص روووووووووح
أنا ما عاد فيني روح
هدمت اللي بنيته على حبك بطموح
غلطان يومني أسميتك يالوجه الصبوح
أثاريك قلت لي أحبك وأنت مزوح
..
أبيك تحس باللي سويته فيني
ويمكن قلبك فعلاً من حجر بصخر وماتحب ولا تنحب
وإن ما حسيت بالجفا والقسا والحرمان والنسيان
أنشهد والله وبإذن الله بتحس بالإنكسار وبتعرف يعني شنو هجران !!
والقوي في أقوى منه
أنا صدق إني ضعيف حب
لكنني قوي كرامة
جبار عز ومكانة
وحش شامخ
، ويمكن أنجرح منك والظاهر بتكسرني
بس صدقني مو أنا اللي يطيح ويصيح
وبتلقاني ذيب .. إي نعم ذيب .. بس ذيب متهالك
المهم والأهم إني ذيب
أنجرح أول أمس .. وأطيح أمس .. وأقوم اليوم .. وأنساك باجر
وأنا ماعاد فيني حيل أجابلك أربع وعشرين الساع
خلاص أنت عسى تلاقي بدروبك جمر وشوك
وأنا بسرح وأمرح والله يعين أبوك
بس بصراحه بكون معاك صريح ..
أنا فيني كلمة وبقولها مثلك وأنا أبتسم وأضحك
والأكيد إني بقولها مزوح
أنا أحبك وبزيدك من الشعر بيت
راح تتذكرني وتقول ياليتني وياليت

وين ترحل مش حتلاقي القطر الآن
ابقا كمان اليوم
هههههههههههههههه
لا تتعجل في اتخاد القرار
الرحيل .

شكرا لك

» والله واحشني موت
» والله وحشني موت
» انت انسان اناني .... والله أناني ....يا ......
» الفنان محمود الشبلي - والله مانك خير من امي
» اهداء لمن ملك قلبي وروحي وحياتي كلها والله بحبك انت