بعد يلزمني دور الصوب

بعد يلزمني دور الصوب *** مني عهد نفكر فيك

ولما يندهلي المكتوب ** نحاول بأذن الله أنجيك

لكن تو ارجوك اعذرني ** انا كل ابوابي مقفوله

مازال منامي هاجرني ** من قصه قبلك مجهوله

انفد باحلامك سيبني ** تتعب وامعاك اتعبني

خليك امباعد خليك

انت معذور علي نيتك ** تبني ملفي لودادك

فارح باشواقك ثاريتك ***مانك عارف ايش قصادك

وامتي مانحتاج حنين ** ونشعر بيك انك ناقصني

ممكن نرسلك بعدين ** تعال تولاني ونسني

لكن تو ارجوك اعفيني ** نا يادوب انساهي عيني

ماعندي كيف اتلاقيك

اسف جدا كان بودي ** تسمع كلمه حلوة مني

لكن همي غالب ردي **وكل اظروفي غصبا عني

نقدر وين اتجي نفرحلك ** ونقول حبيبي واعيوني

وانحل ابوابي نفتحلك ** وانخليك منام اجفوني

لكن تو انسي ريحني ** خايف شي مرة تفضحني

ونلقي روحي هايم بي

جميلة جدا شكرا لك .
تحياتي لك اخي الغالي .

مشكورة اماني علي مرورك وتقبلي تحياتي

» خــان الصوب كحيل عيـانه
» الصوب اللي في قلبي جم ...غلا و قسم...و نبكي ع فراقه بالدم