من روائع الثراث الجزائري

يامعظم يوما جات .. منيتي صابغة النجلات
بختة زينة لـــنعات .. و الوجاب الهواريات
فاتت نجمة لوقات .. في الطبع ذا المازوزات

بختة عنق العراد .. زينها ما كسبوه عباد
مطرودة في لوهاد .. ضيقو بيها حيحاية
ما ترجاش الصياد .. قارية علم الحكوية

بختة عارم لحداب .. دايرة كي جازية ذياب
تسلب كحلة لهذاب .. بالسمايم و العقلية
مقواني يالحباب .. نتمحن و الحق معايا

ذاك اليوم سعادي .. لقيت فيه شعاع القادي
بختة نور تمادي .. المالكتني كي الجنية
نرغبها مرادي .. منين تلغي عليا خويا

نرغبها مرادي .. منين تلغى عليا سيدي
دبلت قلبي وحدي .. و كيتي من بختة كية
سالو عن الخالدي .. ياللي ما شفتو في الدنيا

جاني راجل بشار .. رسلاتو بختة في لكار
رسلاتو و جى عندي للدّار .. عاد لي لخبار خفية
هلكني يا لنظار .. بعد كان مهمدن مايا

جاني في نص النهار .. صابني مهموم و مضرار
من المحنة و التفكار .. ضايقة لوطان عليا
شارب من الشوق مرار .. خاطري عند اللي بيا

حين سمعت خبرها .. طاش عقلي و مشى ليها
من تشواقي فيها .. فرحت كي اللي صبت سعاية
سرقتني محنتها .. زيلفطت قلبي و حجاية

نجاية في الكاليش .. راكبة كي امير الجيش
الرقبة كي الطرنيش .. مراصية و الوجه مرآيا
منها وليت دليش .. ما بقات زعامة فيا

صادتني كي البهتة .. منين شفت غزالي بختة
تضوي كالياقوتة .. مخالفة شهرة زوخية
قطعت في النهتية .. منين مدت لي اليمنية

تسالمنا بالشوق .. والمحبة قدام السوق
سلام طويل حموق .. ما عبينا بالدونية
المعشوقة و المعشوق .. من يلوموهم عكلية

هوّدنا للنّـوتير .. ما سمع بنا حدّ الغير
انا و ضييّ المنير .. دارقين على الفرّاية
في ساعة ساعة خير .. و فيت مرغوبي و منايا

ظلينا كان و صار .. و المحبة تجلب لسرار
الهدرة بالتعزار .. و القلوب بلا غشية
و انا كيفاش ندير .. معسكري و انت قبلية

قالت نور عياني .. شعاع نور البدر السّاني
راني يا محّاني .. على يدك تصرف فيا
انت يا سلطاني .. و خادمتك بختة جارية

سبع وقات سهارى .. بلا شراب مدام سكارى
ما مليت النظرة .. و لا حديث المعناوي
تسرقني بالخزرة .. منين يلقوها عينيا

مزين سهرات الليل .. و القصبة و الخودات تميل
و مطافل في التاويل .. حافظين شروط الجرية
ذي خلة و ذاك خليل .. ذا نمر ذاك لبنية

مزين حل التفسير .. و الحزام و تفقاد الديّر
مزين حكّ الشّبير .. فوق سرتيّة جراية
شهبة و الجلد حرير .. تنقلب كي الروحانية

زهو الدّنيا لبنات .. و الخمر زريع الطاسات
و مخالية القصبات .. بينهم طفلة شرهية
كي بختة من خلاّت .. خاطري في ضيق عشية

معظم يوم الفرقة .. هداتني بختة في ضيقة
الهم بلا شفقة .. حازني من كلّ ثنية
حرقت قلبي حرقة .. منين ركبت في الطوّاية

ناض في قلبي .. هز غزير
و هداتني مثل البصير .. محيّر باقي في وطية
راهي في ذاك الدّير .. بين قبلة و التّلية

ما طابت لي همدة .. جوارحي شاشو للصدة
شوار المنقودة .. تاج من ينوفو بالعنفية
نشوف المقدودة .. ظريفة الساق الهمّية

نغدى أنا و السامعين .. غايتي عز المظلومين
سجّرته راس العين .. ولد قاسوم الحشمية
جعله ربي للمومنين .. رحمة للبلدية

الاّ و لت للفتان .. يهجم كالصيّد الحقدان
ما يرضى بالفديان .. عوض في طوع اللي بيا
و يلاّ ولت للشحان .. ما تكوده حتى حية

نغدو شور الخولة .. بختة عين واد قزولة
دبلة قلبي دبلة .. و خوضت مايا و هوايا
نباتو في هالة .. مهرسين افام العديا

شكرا لك كلمات جميلة .. ولفتة حلوة منك ... تحياتي وتقديري واحترامي .

تحياتي ليك والي كل جزائري حر

مشكورة اماني علي مرورك وتقبلي تحياتي

مشكور اخي المجنون علي مرورك وتقبل تحياتي